Takk fyrir Hinsegin daga!

Við í Krónunni viljum þakka fyrir frábæra Hinsegin daga og þá fjölbreyttu og litríku viku sem nú er að baki.

Við erum virkilega stolt af því að hafa verið hluti af hátíðarhöldunum og sérstaklega ánægð með að taka í fyrsta sinn þátt í starfseminni í Pride Center í Iðnó, auk þess að vera áfram á okkar kunnuglega stað í Hljómskálagarðinum líkt og undanfarin ár.

Hinsegin dagar eru mikilvæg áminning um mikilvægi sýnileika, stuðnings og samstöðu. Þótt hátíðarvikan sé nú á enda er mikilvægt að muna að stuðningur við hinsegin fólk á ekki að einskorðast við eina viku á ári.

Sjáumst að ári! 🏳️‍🌈