31. júlí 2024
Ný Krónumolta í verslanir!
Krónan hefur hafið sölu á eigin moltu sem kemur úr jarðgerðavélum í verslunum. Krónan er ein af fyrstu aðilunum á Íslandi til að taka í notkun jarðgerðarvélar frá Pure North sem er ný lausn í meðhöndlun á lífrænum úrgangi. Markmið verkefnisins er að Krónan verði sjálfbær hvað varðar meðhöndlun á eigin lífrænum úrgangi sem fellur til í verslunum.
Jarðgerðarvélarnar má finna í völdum verslunum Krónunnar, en í gegnum vélarnar eru þreyttum ávöxtum og grænmeti umbreytt úr úrgangi yfir í afurð. Vélarnar minnka rúmmál lífræna úrgangsins um 90% og umbreyta í moltu í föstu formi. Moltunni er blandað í mold sem jarðvegsbætir og hægt að nota bæði innanhúss og úti. Með því að jarðgera lífrænan úrganginn sinn getur Krónan búið til moltu sem er hægt að nýta og innleiða aftur inn í hringrásina.
Þú getur nælt þér í Krónumoltuna í öllum stærri Krónuverslunum!
4. apríl 2025
Monday Haircare kemur til Krónunnar
Hið vinsæla og margverðlaunaða hárvörumerki Monday Haircare er nú loksins fáanlegt á Íslandi en Krónan er að hefja sölu á merkinu.
3. apríl 2025
Verið velkomin á Frískleikana í Krónunni Granda um helgina!
Í tilefni af HönnunarMars höfum við opnað sýninguna Fruitful Futures ii í Krónunni Granda.
1. apríl 2025
Aprílgabb! - Krónulúgan opnar í Garðabæ í dag
Bílalúga bætist við þær þjónustulausnir sem Krónan býður upp á því í dag opnar formlega Krónulúgan við verslun Krónunnar í Garðabæ.
26. mars 2025
Heimsendingar á Akranesi
Við höfum opnað á pantanir fyrir heimsendingar í Snjallverslun Krónunnar á Akranesi!
