8. ágúst 2023
Glæsileg verslun Krónunnar á Granda opnar um miðjan september
Til stendur að opna glæsilega verslun Krónunnar á Granda um miðjan september.
Krónan á Granda opnaði árið 2007 og hefur frá upphafi verið ein af okkar lykilverslunum. Það hefur gengið virkilega vel hjá okkur á Grandanum en þar eigum við frábæran kjarnahóp af viðskiptavinum og höfum við alltaf lagt mikið upp úr að eiga í virku samtali við þá.
Það er kominn tími á að taka verslunina vel í gegn til að mæta betur væntingum viðskiptavina og bæta upplifun þeirra enn frekar. Við erum stöðugt að þróa okkur áfram og á Grandanum munum við leggja enn frekari áherslu á tilbúna rétti og fleiri spennandi útfærslur til að styðja við þá stefnu okkar að Krónan sé matvöruverslun framtíðarinnar.
Við munum meðal annars auka úrval tilbúinna rétta og bjóða upp á Tokyo Sushi, WokOn og Rotissiere. Þá verða einnig aðrar nýjungar í rými sem opnar síðar á árinu og verður spennandi að segja betur frá því þegar nær dregur.
Áfram verður mikil áhersla lögð á ferskvöru og hollustu ásamt því að bjóða upp á breytt vöruúrval á lágu verði. Þá verða umhverfisvænar lausnir í fyrirrúmi en við munum meðal annars innleiða nýjan og umhverfisvænni tækjabúnað.
Útlosun er í fullum gangi og lýkur í dag. Í kjölfarið verður allt rýmið tæmt og framkvæmdir hefjast í fyrramálið, 9. ágúst. Við hlökkum mikið til að bjóða viðskiptavini okkar velkomna til okkar að nýju í glæsilegri Krónuverslun þegar framkvæmdum lýkur.
20. ágúst 2024
Vel heppnað Drulluhlaup Krónunnar, UMFÍ og Aftureldingar fór fram í Mosfellsbæ um helgina.
19. ágúst 2024
Við bjóðum okkar viðskiptavinum upp á góða upplifun og einfalt aðgengi að lífrænum valkostum í Lindum.
8. ágúst 2024
Ein litríkasta menningarhátíð landsins, Hinsegin dagar í Reykjavík, eru haldnir dagana 6.-11. ágúst. Krónan er einn af stærstu styrktaraðilum hátíðarinnar.
1. ágúst 2024
Sólskins og Krónan hafa tekið upp milliliðalaust samstarf þar sem markmiðið er að hámarka nýtingu framleiðslunnar á Flúðum og draga úr innkaupum á erlendu grænmeti.
