21. maí 2021
Umhverfisvænar kerrur
Við höfum nú hafið notkun á nýjum innkaupakerrum sem eru framleiddar úr endurnýttum fiskinetum og öðru endurunnu plasti úr sjónum. Kerrurnar eru einnig búnar bakteríufráhrindandi efni í handföngum sem enn meiri eftirspurn er eftir nú en áður.
Talið er að um 640.000 tonn af ónýtum fiskinetum liggi á sjávarbotnum heimsins og valdi dauða hundruð þúsund dýra á ári hverju. Með því að taka á land og endurnýta þessi fiskinet, umbreyta í kurl og þaðan í þessu tilfelli í innkaupakerrur og -körfur fá þau nýtt líf sem umhverfisvænar innkaupakörfur í verslunum Krónunnar.
Fyrsti áfangi verður í Krónunni Skeifunni, 30 kerrur og 70 handkörfur úr endurnýttum fiskinetum, en þegar kemur að endurnýjun kerra í öðrum verslunum verða þær af þessari nýju gerð.
Eldri kerrur úr Skeifunni hafa nú fengið ný heimili í öðrum verslunum Krónunnar og þannig heldur þetta áfram koll af kolli. Við vonum að Krónuvinir taki vel í þessar sægrænu kerrur úr gömlum netum úr hafinu sem við í Krónunni lítum á sem eitt lítið skref til að draga úr eigin umhverfisáhrifum, fjölga hringrásarlausnum og þannig hafa áhrif til góðs.
27. ágúst 2025
Krónan hefur tekið höndum saman við íslenska nýsköpunarfyrirtækið Pikkoló um afhendingu netpantana í kældum afhendingarstöðvum Pikkoló á höfuðborgarsvæðinu.
26. ágúst 2025
Um helgina opnuðum við nýja og glæsilega Krónuverslun á Fitjabraut 5.
26. ágúst 2025
Næstu helgar er hægt að finna fjölbreytt úrval af fersku, ópökkuðu, íslensku grænmeti á Bændamarkaði.
20. ágúst 2025
Rúmlega 1.100 manns á öllum aldri tóku þátt í Drulluhlaupi Krónunnar í Mosfellsbæ á laugardag.
