Eintóm gleði á Krónuhjólamóti í Neskaupstað!

Það var frábær stemning á Krónuhjólamóti Hjólaskólans og Hjólafélagsins Fönn um helgina í Neskaupstað þegar tæplega 90 börn á aldrinum 2-12 ára tóku þátt og stóðu sig frábærlega. Veðrið lék við þátttakendur og BMX Brós lokaði mótinu með frábærri sýningu og hjólaþrautabraut fyrir krakkana.

Krónuhjólamótið hefur verið haldið í Öskjuhlíðinni undanfarin ár en í fyrsta skipti á Akureyri í fyrra. Nú var það í fyrsta skiptið á Austfjörðum, en ekki í það síðasta.
Við þökkum vinum okkar og samstarfsfélögum í Hjólafélaginu Fönn, Hjólaskólanum og BMX brós fyrir yndislegt samstarf og hamingjuóskir með frábæra skipulagningu og gleði!