22. mars 2023
Samfélagsskýrsla Krónunnar 2022 komin út
Samfélagsskýrslan fyrir árið 2022 er komin út. Þar er farið yfir allt sem Krónan gerði í umhverfis- og samfélagsmálum í fyrra og allan þann árangur sem starfsfólk og viðskiptavinir Krónunnar náðu á árinu 2022.
Meðal þess sem fram kemur í samfélagsskýrslunni er að okkur tókst að draga gríðarlega úr matarsóun á síðasta ári. Alls náðist að bjarga 95% ávaxta og grænmetis í gegnum Síðasta séns, sem hefði annars endað sem lífrænn úrgangur! Þetta hlutfall var aðeins 65% fyrir tveimur árum og við erum því gríðarlega þakklát Krónuvinum fyrir að taka svona vel í Síðasta séns.
Við fjölguðum einnig rafbílum Krónunnar um helming á síðasta ári, grænum kerrum og körfum um 100% auk þess að fjölga umbúðalausum lausnum með þurrvöru- og sápubörum, bændamörkuðum og settum upp fleiri Krónukrana.
Við náðum líka miklum árangri í flokkun og endurvinnslu á árinu. Þannig tókst okkur í samstarfi við Plastplan að veita gríðarmiklu plasti framhaldslíf í formi frisbídiska, verðlaunapeninga og kassaskilja. Við fjölguðum lokuðum kælum, settum upp umhverfisvænni lýsingu, bættum innihaldsmerkingar, kolefnisjöfnuðum alla starfsemina, jukum hlutfall umhverfisvænna og lífrænna vara, settum upp skilastöðvar fyrir rafhlöður í allar verslanir Krónunnar og fleira og fleira.
19. júní 2025
Bergið Headspace hlýtur 1,5 milljón frá Krónunni og viðskiptavinum
Bergið Headspace miðar að því að veita ungmennum á aldrinum 12 til 25 ára fría ráðgjöf og aðstoð til að bæta líðan og auka virkni þeirra í samfélaginu.
19. júní 2025
Krónan upp að dyrum í Borgarnesi, á Akranesi og Kjalarnesi!
Krónan gefur í á Vesturlandi.
19. júní 2025
Halló Egilsstaður, Fellabær og Seyðisfjörður!
Heimsendingarþjónusta Krónunnar hefur nú útvíkkað um Austurland.
