Svansvottun
Allar verslanir Krónunnar hafa hlotið Svansvottun. Kröfur Svansins fyrir dagvöruverslanir eru strangar og ná yfir marga umhverfisþætti í rekstri verslana, svo sem matarsóun og flokkun úrgangs, orkunotkun, framboð lífrænna og umhverfisvottaðra vara og fræðslu og miðlun til viðskiptavina. Krónan er eina verslunin á landinu með Svansvottun og ein af þremur á öllum Norðurlöndunum.
Í lok árs 2019 hlaut Krónan Svansvottun á verslunum sínum við Akrabraut og Rofabæ og voru það fyrstu verslanirnar á Íslandi sem hlotið hafa Svansvottun. Ári síðar var loka markmiðinu náð með vottun allrar keðjunnar. Þetta er því stórt skref sem varðar þá samfélagslegu ábyrgð sem Krónan leggur áherslu á og stendur fyrir. Svansvottun er ekki eitthvað sem þú færð bara einu sinni, heldur þarf að halda viðmiðum til að missa hana ekki.
Hvað er Svansvottun?
Svansvottun er opinbert og vel þekkt umhverfismerki á Norðurlöndunum sem er meðal annars með það markmið að lágmarka umhverfisleg áhrif á neyslu og framleiðslu vara.
Svansvottun Krónunnar þýðir að:
20% af öllum rekstrarvörum sem Krónan selur eru umhverfisvottaðar (vottaðar með Svaninum eða Evrópublóminu).
4% af matar- og drykkjarvöru eru lífrænt vottaðar.
Áhersla er lögð á mælingar og greiningar á matarsóun og markviss unnið að því að sporna gegn henni. Það sama á við um flokkun og almennt rusl.
Virk orkustefna og aðgerðaráætlun sem dregur úr orkunotkun.
Krónan notar einungis umhverfisvottaðar ræsti- og hreinlætisvörur fyrir eigin þrif og rekstur.
Hluti af nýliðaþjálfun er að upplýsa um svansvottun verslunarinnar og hvað það þýðir.
Kröfur Svansvottunar fyrir dagvöruverslanir
Lesa nánar um kröfur um Svansvottun
Psst… viltu vita meira um samfélagslega ábyrgð?
Við viljum hafa áhrif til góðs og sýna samfélagslega ábyrgð í verki – alltaf
© 2026 - Krónan
Kt. 711298 2239
Skrifstofa Krónunnar
Sími: 585 7000
Dalvegur 10-14
201 Kópavogur
kronan@kronan.is