Opnunartímar
Gjafakort
Um okkur
Sækja um starf
Hafa samband
Skrá á póstlista
Leita að kvittun
Tilkynningar- og uppljóstrunargátt
© 2026 - Krónan
Kt. 711298 2239
Skrifstofa Krónunnar
Sími: 585 7000
Dalvegur 10-14
201 Kópavogur
kronan@kronan.is
26. apríl 2023
Leiksýningin Aspas í Krónunni Granda
Föstudaginn 5. maí frumsýnir Urbania í samstarfi við Þjóðleikhúsið og Krónuna á Granda, leiksýninguna Aspas eftir rúmenska leikskáldið Gianina Cărbunariu. Aspas er fyrsta leikstjórnarverkefni Guðrúnar Gísladóttur leikkonu en leikarar eru Eggert Þorleifsson og Snorri Engilbertsson. Leikið er í Krónunni á Granda á opnunartíma verslunarinnar. Aðgangur á sýninguna er ókeypis en takmarkaður fjöldi áhorfenda kemst að hverju sinni og verkið verður aðeins sýnt 10 sinnum.
Sjá nánar um leiksýningu Aspas
Einstök leikhúsupplifun í stórmarkaði!
Mörkin milli flytjenda og áhorfenda, leikhúsgesta og viðskiptavina verða óljós og útkoman er leikhús þar sem allt getur gerst. Þetta er í fyrsta skipti sem leiksýning er sett á svið inni í stórmarkaði. Gestir hlusta á verkið í heyrnartólum sem afhent eru við komu og fylgja leikurunum tveimur eftir í gegnum verslunina á meðan sýningu stendur, en hún er um 45 mínútur að lengd.
Tveir karlmenn, eldri borgari og erlendur farandverkamaður, rekast hvor á annan við grænmetisborðið í stórri lágvöruverðsverslun. Þeir gefa hvor öðrum auga. Þeir hugleiða líf sitt. Svo koma nýjustu tilboðin.
Filippía Elísdóttir og Guðrún S. Gísladóttir, undir merkjum leikhópsins Umheimur, hafa veg og vanda af sýningunni en hún er sett upp í samstarfi Urbaniu, Krónunnar og Þjóðleikhússins. Aspas er í senn bráðfyndið og sársaukaþrungið verk þar sem fjallað er um mismunun og fordóma, mannleg samskipti og geymsluþol grænmetis í skugga verslunar og viðskipta á öld þjóðflutninga og tækifæra, offramboðs og ójöfnuðar.
