Opnunartímar
Gjafakort
Um okkur
Sækja um starf
Hafa samband
Skrá á póstlista
Leita að kvittun
Tilkynningar- og uppljóstrunargátt
© 2026 - Krónan
Kt. 711298 2239
Skrifstofa Krónunnar
Sími: 585 7000
Dalvegur 10-14
201 Kópavogur
kronan@kronan.is
26. október 2023
Gleðilega umhverfisvæna Hrekkjavöku!
Á hverju ári virðist hrekkjavakan ryðja sér frekar til rúms hérlendis. Krónan tekur þátt í gleðinni með tilheyrandi stemningu í verslunum og góðu vöruúrvali en hrekkjavakan er á góðri leið með að verða uppáhaldshátíðin okkar. Verslanir eru sífellt að toppa sig með hræðilegum skreytingum, það er til dæmis upplifun að mæta í hrekkjavökuhúsið í Krónunni Akrabraut!
Við viljum minna Krónuvini okkar á nokkur atriði sem gott er að hafa í huga fyrir og á meðan Hrekkjavöku stendur.
Hrekkjavökuskraut er margnota
Skraut má nota aftur og aftur. Í stað þess að losa þig við það mælum við með koma því fyrir í kassa þangað til á næsta ári og með tímanum muntu geta breytt heimilinu í alvöru draugahús! Þú sérð úrvalið hjá okkur hér.
Engin matarsóun
Nýttu innihald graskeranna í matseldina. Prófaðu þig áfram með graskerssalat, spaghetti squash og ristuð graskersfræ.
Skilið graskerunum í næstu Krónuverslun
Nú þegar heimilin í landinu eru farin að flokka lífrænt er mikilvægt að graskerin endi ekki í urðun. Ef graskerin eru of stór fyrir brúnu pokana eruð þið hjartanlega velkomin með þau til okkar. Við tökum á móti þeim í öllum verslunum okkar og sjáum um að koma þeim í jarðgerð.
Góða skemmtun og gleðilega umhverfisvæna hrekkjavöku 💚
