8. júlí 2022
Ný og glæsileg verslun í Skeifunni
Fimmtudaginn 7. júlí sl. opnuðu Krónan og ELKO nýjar verslanir í Skeifunni 19, þar sem Myllan var áður til húsa. Verslunarrýmið er alls um 3.000 fermetrar að stærð, sem skiptast nánast jafnt milli Krónunnar og ELKO. Síðastliðið ár hafa staðið yfir gagngerar endurbætur á gamla Mylluhúsinu til að tryggja að húsnæðið standist allar kröfur sem gerðar eru til nútímalegs verslunarrýmis um leið og það var lagað að þörfum okkar í Krónunni og vinum okkar í ELKO.
Báðar verslanir færa sig um set innan svæðisins en ELKO hefur starfrækt verslun í Skeifunni 7 frá árinu 2004 og Krónan verið til húsa í Skeifunni 11 frá byrjun árs 2019. Krónan var einnig með verslun í Skeifunni 5 á árum áður, þar sem Vínbúðin er nú til húsa. Með nýju verslunarhúsnæði stækkar verslun Krónunnar í Skeifunni töluvert, sem gerir okkur kleift að bjóða upp á aukið vöruúrval og betra aðgengi.
Í rýminu okkar opnaði einnig sushistaðurinn Tokyo Sushi og nýi pizzastaðurinn OLIFA – La Madre Pizza en báðir staðir bjóða upp á ferskan og tilbúinn mat sem tilvalið er að grípa með sér inn í daginn.
Við hjá Krónunni höfum beðið í ofvæni eftir því að opna þessa glæsilegu verslun á besta stað í Skeifunni, sem iðar af mannlífi alla daga og er orðin einn af öflugustu verslunarkjörnum landsins. Þetta er ein af okkar stærstu verslunum þar sem viðskiptavinir fá aðgengi að breiðasta vöruúrvali Krónunnar á sama hagstæða verði og í öðrum Krónuverslunum. Skannað og skundað, sjálfsafgreiðslulausn Krónunnar verður að sjálfsögðu í boði frá fyrsta degi, en lausnin er nú aðgengileg í 15 verslunum Krónunnar.
Við hlökkum til að taka á móti Krónuvinum í stórglæsilegri verslun okkar í Skeifunni.
20. ágúst 2024
Vel heppnað Drulluhlaup Krónunnar, UMFÍ og Aftureldingar fór fram í Mosfellsbæ um helgina.
19. ágúst 2024
Við bjóðum okkar viðskiptavinum upp á góða upplifun og einfalt aðgengi að lífrænum valkostum í Lindum.
8. ágúst 2024
Ein litríkasta menningarhátíð landsins, Hinsegin dagar í Reykjavík, eru haldnir dagana 6.-11. ágúst. Krónan er einn af stærstu styrktaraðilum hátíðarinnar.
1. ágúst 2024
Sólskins og Krónan hafa tekið upp milliliðalaust samstarf þar sem markmiðið er að hámarka nýtingu framleiðslunnar á Flúðum og draga úr innkaupum á erlendu grænmeti.
