Opnunartímar
Gjafakort
Um okkur
Sækja um starf
Hafa samband
Skrá á póstlista
Leita að kvittun
Tilkynningar- og uppljóstrunargátt
© 2026 - Krónan
Kt. 711298 2239
Skrifstofa Krónunnar
Sími: 585 7000
Dalvegur 10-14
201 Kópavogur
kronan@kronan.is
6. nóvember 2025
Halló Hella!
Við höfum opnað fyrir heimsendingarþjónustu Snjallverslunar á Hellu og nágrenni. Pantanir eru teknar saman í Krónunni á Selfossi og keyrðar á Hellu þrisvar sinnum í viku. Þjónustusvæði Snjallverslunar á Suðurlandi heldur áfram að stækka og í dag sendum við m.a. til Flúða, Laugarvatns, Þorlákshafnar, Stokkseyrar, Eyrarbakka, Hveragerðis og Selfoss.
Þá standa einnig yfir framkvæmdir á nýju verslunarhúsnæði á Höfn í Hornafirði sem mun opna á næsta ári. Með opnun Krónunnar á Höfn mun þjónustusvæðið stækka til muna og spanna stærstan hluta Suðurlands.
„Þetta markar stórt skref í átt að því að gera líf fólks einfaldara, alveg sama hvar það býr. Við viljum að íbúar landsbyggðarinnar hafi sama aðgengi að fjölbreyttu vöruúrvali, samkeppnishæfu verði og frábærri þjónustu og er Hella þar engin undantekning. Við fögnum því að geta loksins þjónustað Hellu á nýjan hátt eftir að við þurftum að loka verslun Kjarvals árið 2021 sem hluti af skilyrðum í sátt Festi, móðurfélags Krónunnar, og Samkeppniseftirlitsins, í kjölfar samruna,“ segir Guðrún Aðalsteinsdóttir, framkvæmdastjóri Krónunnar. „Á Hellu búa yfir þúsund manns sem geta nú pantað matvöru beint heim að dyrum, hvort sem það er fyrir heimili, fyrirtæki eða stofnanir. Við erum stolt af því að geta aukið aðgengi fólks að fjölbreyttu vöruúrvali á góðu verði með aðstoð tækninnar.“
