Að hætti Víðis Hólm

Ferskt salsa

Skerið tómata í báta, skerið eða skafið fræin burt. Saxið tómatana í litla teninga.

Saxið hálfan lauk í teninga af sömu stærð.

Helmingið og skerið burt fræin úr chili pipar og saxið fínt.

Saxið ferskt kóríander og setjið allt í skál.

Rífið börk af einu lime yfir, skerið í tvennt og kreistið safann úr helmingnum yfir.

Blandið vel og saltið vænlega eftir smekk.

Guacamole

Saxið hálfan rauðlauk.

Pressið eða saxið eitt hvítlauksrif.

Saxið kóríander.

Skerið þrjú avókadó og maukið í skál.

Kreistið safann úr hálfu lime yfir og blandið saman við lauk, hvítlauk, og kóríander.

Saltið vænlega eftir smekk.

Nautahakk

Steikið nautahakk á pönnu við miðlungsháan hita og kryddið.

Setið til hliðar og haldið heitu þegar það hefur brúnast.

Nachos

Rífið cheddar og gouda ost.

Hitið ofn á 170°C blástur og setjið bökunarpappír á ofnplötu.

Dreifið grunnlagi af tortilla flögum á plötuna.

Stráið vænu lagi af gouda osti yfir flögurnar.

Setjið restina af flögunum ofan á gouda ostinn.

Stráið cheddar osti yfir síðara lagið af flögunum.

Dreifið nautahakki yfir flögurnar. Annað hvort jafnt yfir allt eða í aðgreind svæði fyrir fjölbreyttari bita.

Setjið plötuna inn í ofn þar til osturinn er bráðnaður.

Takið þá út og dreifið salsa, guacamole og sýrðum rjóma yfir nachos-ið.

Toppið með söxuðu kóríander og berið fram.