Að hætti Víðis Hólm

Skerið kjúklinginn í bita, færið í skál og saltið.

Bætið við pipar, salvíu, rósmarín, basil, papriku og hvítlauksdufti, ásamt 2-3 msk. af ólífuolíu.

Blandið þar til kryddið hefur dreifst jafnt yfir kjúklinginn.

Saxið skalottlauk fínt og rífið ca. 90g af parmesan osti. Hafið bæði tilbúið til hliðar í sitthvorri skál.

Hitið 1-2 msk. af ólífuolíu í stórri pönnu. Steikið kjúklinginn á miðlungsháum hita þar til hann er eldaður í gegn.

Setjið kjúklinginn til hliðar og í sömu pönnu steikið skalottlauk með smjöri þar til hann er mjúkur.

Hellið rjómanum út í og bætið svo við parmesan ostinum.

Hitið sósuna á vægum hita og forðist að bullsjóða hana, vegna hættu á því að hún skilji sig.

Þegar sósan hefur þykknað og osturinn bráðnað er gott að smakka hana, og salta eftir smekk, ef þarf.

Haldið sósunni svo volgri á lágum hita.

Sjóðið nóg af vatni í potti og saltið vel.

Bætið pastanu út í og sjóðið 1-2 mínútum styttra en leiðbeiningar á pakkanum segja til um.

Sigtið eða veiðið pastað upp úr vatninu og bætið því við í sósuna og blandið.

Gott er að halda bolla af pastasoðinu til bæta út í sósuna ef þarf. Þar getur sterkjan í soðinu hjálpa við að þykkja og binda sósuna. Bætið þá í smáum skömmtum eftir þörfum.

Hitið pönnuna á miðlungshita þar til sósan þykknar og pastað er full eldað.

Toppið með saxaðri ferskri steinselju og berið fram.