fyrir
4
Eldunartími
20 mín.
Undirbúa
10 mín.
Samtals:
30 mín.
Innihald:
6-8 íslenskar paprikur í mismunandi litum
6 msk ólífuolía
1 hvítlauksgeiri, saxaður smátt
Nýmalaður pipar
Salt
1-2 msk furuhnetur
Nokkur basilíkublöð
Leiðbeiningar
Í samstarfi við Sölufélag garðyrkjumanna - www.islenskt.is
Útigrill eða grillað í ofninum.
Hitað og paprikurnar grillaðar við góðan hita, þar til hýðið er allt orðið svart. Snúið öðru hverju svo að þær grillist jafnt.
Paprikunum er svo stungið í bréfpoka eða settar í skál og plast breitt yfir. Látnar standa í um 5 mínútur og þá ætti að vera auðvelt að fletta hýðinu af þeim. Best er að gera þetta yfir sigti svo að safinn fari ekki til spillis.
Skerið grilluðu paprikurnar í breiðar ræmur og raðið á disk.
Hrærið paprikusafanum saman við ólífuolíu, hvítlauk, pipar og salt og hellið yfir paprikurnar.
Dreifið furuhnetum yfir og skreytið með basilíkublöðum sem skorin hafa verið í ræmur.
Berið paprikurnar t.d. fram sem forrétt eða sem meðlæti með grilluðum mat.
Einnig má skera þær í mjórri ræmur og nota þær og olíuna út á pasta.
Samtals: