Aðferð

Blandið saman chiafræjum, möndlumjólkinni, rifnum kókos og vanilludropum í skál og hrærið vel.

Leyfið chiablöndunni að standa á meðan þið steinhreinsið döðlurnar og skerið þær í litla bita ásamt eplunum og möndlunum. Hrærið aftur vel í chiablöndunni.

Chiafræin eiga það til að mynda litla köggla þegar þau bólgna út en með því að hræra vel er hægt að losa um þá.

Nú má setja eplin, möndlumulning og döðlubitana útí og blanda ásamt kanil.

Ágætt er að setja smá af kanil og smakka svo til og bæta við eftir smekk.