
fyrir
4
Eldunartími
60 mín.
Undirbúa
10 mín.
Samtals:
70 mín.
Innihald:
Kjúklingur og marinering
5 kjúklingalæri
2 stk. Sítrónur - safi og börkur
1 msk. Oregano
5 geirar hvítlaukur smátt skorinn
Hrísgrjón
1 stk. Laukur
1 bolli hrísgrjón
1 msk. Kjúklingakraftur
1 msk. Oregano
Smá ólífuolía
Salt og pipar
Ofan á
Steinselja
Sítróna
Leiðbeiningar
Að hætti Bragðheima
Í þessa uppskrift er gott að nota djúpan steypujárnspott með loki. Það er þó einnig hægt að nota pönnu sem má fara inn í ofn og álpappír.
Setjið kjúkling, sítrónusafa, sítrónubörk, oregano og hvítlauk í poka eða skál og látið marinerast í ísskáp í að minnsta kosti 20 mínútur en helst yfir nótt.
Stillið ofninn á 180°C undir og yfir hita.
Takið kjúklinginn úr marineringunni og geymið marineringuna.
Setjið um hálfa matskeið af ólífuolíu í pottinn eða pönnuna á miðlungshita. Steikið kjúklingin á pönnunni í um 3 mínútur á hvorri hlið eða þar til kjúklingurinn er gylltur og girnilegur. Setjið þá kjúklinginn á disk og geymið.
Þurrkið fituna af pottinum með eldhúspappír eða viskastykki.
Blandið kjúklingakrafti og vatni í lítinn pott og hitið, 375 ml vatn og um 1 msk. kraftur.
Saxið laukinn og steikið upp úr smá ólífuolíu á miðlungshita í sama potti þar til hann er mjúkur.
Setjið svo restina af innihaldsefnunum fyrir hrísgrjónin: hrísgrjón, kjúklingasoð, oregano, marineringuna, salt og pipar.
Náið upp suðu og látið malla í um 30 sekúndur.
Raðið þá kjúklingum ofan á grjónin og setjið lok eða álpappír yfir pottinn.
Setjið pottinn í ofninn í 35 mínútur. Takið þá lokið af pottinum og látið aftur í ofninn í 10 mínútur.
Á meðan skerið þið sítrónur í þunnar sneiðar og steikið á pönnu.
Leyfið kjúklingum að hvíla í 5-10 mínútur. Skreytið með steinselju og steiktum sítrónum.

Ódýrt Kjúklinga ...
ca. 1050 gr. - 1599 kr. / kg - 1.679 kr. stk.

Sítrónur
115 gr. - 574 kr. / kg - 66 kr. stk.

Prima Oregano
6 gr. - 36500 kr. / kg - 219 kr. stk.

Hvítlaukur
200 gr. - 945 kr. / kg - 189 kr. stk.

Laukur
ca. 167 gr. - 139 kr. / kg - 23 kr. stk.

First Price Hrí ...
500 gr. - 380 kr. / kg - 190 kr. stk.

Knorr Kjúklinga ...
100 gr. - 2460 kr. / kg - 246 kr. stk.

Vaxa Steinselja
15 gr. - 25267 kr. / kg - 379 kr. stk.

Maldon Sjávarsalt
250 gr. - 1868 kr. / kg - 467 kr. stk.

Prima Svartur p ...
35 gr. - 10286 kr. / kg - 360 kr. stk.

Grön Balance Ól ...
500 ml. - 3198 kr. / ltr - 1.599 kr. stk.
Til að skoða vörur í Snjallverslun