fyrir
4
Eldunartími
10 mín.
Undirbúa
40 mín.
Samtals:
50 mín.
Innihald:
450 g rækjur, frosnar
3 msk. mangó, skorið smátt
½ stk. ferskt chili, nokkur fræ með, skorið smátt
4 msk. kóríander, saxaður smátt
½ avókadó, skorið smátt
1 tsk. olía
1 tsk. sítrónusafi
pipar
fersk hindber, til að skreyta með ef vill
auka kóríander, til að skreyta með ef vill
100 g rjómaostur
½ -1 dl hindber, frosin
sítrónusafi, nokkrir dropar
1-2 tsk. hunang eða engifersíróp
Leiðbeiningar
Í samstarfi við Gestgjafann. Uppskrift: Hanna Þóra. Mynd: Gunnar Bjarki
Rækjur
Afþýðið rækjurnar deginum áður inni í ísskáp með því að hafa þær í sigti í skál.
Mangósalsa
Blandið mangó, chili, avókadó og kóríander saman í skál.
Bætið olíu og sítrónusafa saman við ásamt pipar.
Hindberjasósa
Setjið frosin hindber í pott og hitið að suðu. Látið svo kólna.
Sigtið fræin frá og notið aðeins hindberjasafann í sósuna.
Takið smá fræ til hliðar til þess að skreyta með.
Hrærið rjómaostinn saman við hindberjasafann.
Bætið sítrónusafa og sætu við, annaðhvort hunangi eða engifersírópi, og hrærið.
Í lokin
Leggið rækjurnar á fat eða í litlar skálar og setjið mangósalsa og því næst hindberjasósu ofan á rækjurnar.
Skreytið með ferskum hindberjum og kóríander.
Samtals: