fyrir
4
Eldunartími
20 mín.
Undirbúa
60 mín.
Samtals:
80 mín.
Innihald:
Kexbotnar
150 g smjör, við stofuhita
150 g sykur
150 g hveiti
½ tsk lyftiduft
Rjómablanda
400 ml rjómi
1 tsk skyndikaffi
1 tsk vatn, sjóðandi
1 msk flórsykur
Karamellusósa
200 g sykur
90 g smjör
120 g rjómi
1 tsk salt, eða eftir smekk
Súkkulaðikrem
100 g súkkulaði
2 msk rjómi
1-2 pk mini eggs frá Cadbury
Leiðbeiningar
Kexbotnar
Stillið ofn á 220 °c.
Hrærið saman smjör og sykur þangað til létt og ljóst.
Bætið hveitinu og lyftiduftinu saman við og hrærið saman.
Takið kökuform eða eitthvað hringlaga sem er u.þ.b. 15 cm í þvermál og teiknið eftir hringnum á bökunarpappír, fríhendis dragið línu u.þ.b. 5 cm fyrir ofan hringinn í laginu eins og egg.
Notið fyrsta eggið sem skapalón og gerið tvo hringi í viðbót.
Deilið deiginu í þrennt eða 150 g hvert.
Notið hendurnar til að dreifa úr deiginu og gera það jafnt í kantana.
Setjið í ofn og bakið í 6-7 mín.
Þegar kexbotnarnir eru teknir út er gott að renna yfir kantana með hníf og ýta létt í þá ef þeir hafa lekið eitthvað aðeins út, þá er hægt að jafna þá meðan deigið er heitt.
Leyfið þeim að kólna alveg áður en rjóminn er settur á.
Rjómablanda
Setjið sykurinn í pott og stillið á miðlungshita.
Leyfið sykrinum að bráðna.
Hrærið sem minnst í sykrinum til að karamellan kristallist síður.
Þegar sykurinn er bráðnaður, takið pottinn af hitanum og bætið smjörinu saman við og hrærið á meðan.
Þegar smjörið og sykurinn hafa blandast saman hellið rjómanum í mjórri bunu saman við.
Ef hráefnin eru köld þarf mögulega að setja pottinn aftur á helluna og leyfa karamellunni að sjóða í smá stund í viðbót eða þangað til allt er vel samblandað.
Bætið teskeið af salti saman við í lokin.
Þeytið rjómann, blandið kaffi og vatni saman á meðan.
Þegar rjóminn er full þeyttur er kaffinu og flórsykri blandað saman við með sleikju.
Samsetning
Setjið fyrsta botninn á kökudisk - gott er að setja örlitla rjóma slettu undir botninn svo kakan geti ekki runnið af disknum.
Setjið helminginn af rjómanum ofan á og dreifið vel úr, dreifið þá karamellusósu yfir og setjið næsta botn ofan á og endurtakið ferlið.
Súkkulaðikrem
Bræðið súkkulaði og rjóma saman við vægan hita yfir vatnsbaði eða inn í örbylgjuofni.
Dreifið yfir efsta botninn.
Saxið nokkur egg niður og dreifið yfir kökuna ásamt heilum eggjum.
Gott er að leyfa kökunni að hvíla inn ísskáp í 2-3 klst, þá mýkir rjóminn botnana örlítið og betra er að skera hana. En ekki nauðsyn.
Samtals: